Vilja aðeins semja til eins og hálfs árs

14. des 2007

Finnbjörn A. Hermannsson, formaður Samiðnar, segir ekki verjandi að semja til lengri tíma en eins og hálfs árs við núverandi aðstæður. MYND/Hörður Sveinsson

mbl.is - Glæpagengi stækka ört í Kaupmannahöfn

14. des 2007

Frá Kaupmannahöfn mbl.is/Ómar

Bloggað um fréttina

Aðsókn að glæpagengjum ungra manna af innflytjendaættum eykst nú hratt í Kaupmannahöfn samkvæmt heimildum Jyllands-Posten. „Gengin stækka mjög hratt þessa dagana. Hér er um að ræða ungt fólk sem félagslega kerfið hefur svikið árum saman. Þetta mun leiða til aukningar á alvarlegum glæpaverkum á næstu árum,” segir Fahmy Almajid innflytjendaráðgjafi.

Hann segir morðið á 21 árs gömlum manni í Nørrebro aðfararnótt þriðjudags vera merki þess sem koma skal en maðurinn var meðlimur í svokölluðu Sjælør-gengi. Hann segir að gera megi ráð fyrir að morðsins verði hefnt bæði af genginu og fjölskyldu hins látna. Almajid segir einnig að dönsk yfirvöld hafa litið framhjá öllum viðvörunarmerkjum á undanförnum áratug.

Annar innflytjendaráðgjafi Mohammad Rafiq tekur í sama streng. „Hér er um að ræða stóran hóp ungmenna sem yfirvöld hafa aldrei náð til. Þetta fólk er tifandi tímasprengja sem við getum átt von á að verða mun  meira vör við.” Þá segir hann enga von til þess að yfirlýsingar Lene Espersens dómsmálaráðherra um hertar refsingar gegn ofbeldisverkum muni hafa nokkur áhrif á þessa menn.

Rasismi

13. des 2007

Pólskir Íslendingar.

 

Íslenska þjóðin hefur fram til þessa verið talin umburðarlynd gagnvart því fylgi sem kemur frá öðrum löndum. En því miður er að verða breyting á viðhorfum gagnvart útlendingum. Sá hörmulegi atburður sem varð í Keflavík þar sem barn lét lífið af völdum ökuníðings hefur orðið vatn á myllu þeirra sem haldnir eru ofstæki og þjóðrembu. Pólverji er grunaður um að hafa orðið valdur að dauða barnsins. Þjóðerni hins grunaða hefur orðið til þess að allir Pólverjar eru settir undir sama hatt og þeir verða fyrir hatri samfélagsins. Fregnir hafa borist af því sunnan með sjó að hópur innfæddra hafi ráðist á fólk sem er af erlendu bergi brotið. Jafnvel munu vera þess dæmi að börn af pólskum uppruna hafi orðið fyrir einelti í skóla. Íslenska þjóðin er á stórhættulegri braut þegar svona er komið. Frjálslyndi og hlýja gagnvart öðru fólki víkur fyrir heift og hreinu kynþáttahatri. Þeir sem grimmastir eru gagnvart útlendingum ættu að snúa dæminu við og hugsa til enda hvort þeir vildu vera útlendingar á Íslandi. Íslenskt samfélag hefur á undanförnum árum gjörbreyst með stórauknum fjölda útlendinga sem kosið hafa að setjast hér að. Menn geta deilt um það hvort sú breyting sé til góðs eða ills að hartnær 10 þúsund útlendingar hafa sest hér að. Þetta ágæta fólk starfar við hinar ýmsu atvinnugreinar og skilar tekjum til þjóðarbúsins.

Umræðan um það hvort slæmt sé að fá svo marga útlendinga inn í samfélagið skilar okkur engu. Þessi samsetning þjóðarinnar er orðinn hlutur. Íslendingar eiga ekki aðra kosti en að hjálpa því ágæta fólki sem hingað er komið til að aðlagast. Árásir á nýju Íslendingana eru með öllu óþolandi og Íslendingum til skammar sem þjóð. Uppistaðan í hópi þeirra sem komnir eru til að lifa og starfa á Íslandi er vandað og gott fólk þótt þar megi finna undantekningar rétt eins og meðal innfæddra. Fólki ber skylda til að taka höndum saman og berja niður útlendingahatrið áður en það færir þjóðina enn lengra inn á ógæfubraut með ófyrirsjáanlegum afleiðingum.

Atvinnuleysi mælist 0,8%

13. des 2007

Eggert Jóhannesson

Skráð atvinnuleysi í nóvember 2007 var 0,8% eða að meðaltali 1.321 manns, sem eru aðeins 6 fleiri en í október sl. og breyting milli mánaða því lítil. Atvinnuleysi er um 25% minna en á sama tíma fyrir ári þegar það var 1,1%.

Á vef Vinnumálastofnunar kemur fram að atvinnuleysi stendur í stað á höfuðborgarsvæðinu þar sem það er nú 0,6% líkt og í október, en mælist 0,1 prósentustigi meira á landsbyggðinni heldur en í fyrra mánuði, eða 1,2%.

Atvinnuleysi er óbreytt meðal karla, er 0,6% líkt og í október og breytist lítið hvort heldur er á höfuðborgarsvæðinu og á landsbyggðinni.

Atvinnuleysi kvenna er einnig óbreytt á heildina litið eða 1,1%. Atvinnuleysi kvenna á höfuðborgarsvæðinu lækkar þó úr 0,8% í 0,7% og eykst að sama skapi á landsbyggðinni úr 1,7% í 1,8%.

Láglaunafólki fjölgar í landinu

11. des 2007