Tæplega 1.500 sagt upp í hópuppsögnum í ár

02. okt 2008

Alls hefur verið sagt upp um 1.460 manns á árinu 2008 með hópuppsögnum. Í septembermánuði bárust Vinnumálastofnun fjórar tilkynningar um hópuppsagnir. Allt voru það tilkynningar frá fyrirtækjum í byggingariðnaði, starfandi á höfuðborgarsvæðinu.

 

Alls var tilkynnt um uppsagnir á 113 starfsmönnum en heildarfjöldistarfsmanna þessara fyrirtækja er um 430 og er því um fjórðungistarfsmanna sagt upp að jafnaði, að því er fram kemur á vef Vinnumálastofnunar.

 

Uppsagnirnar koma til framkvæmda á fimm mánaða tímabili, en fyrstuuppsagnirnar koma til framkvæmda í lok októbermánaðar en þær síðustu ílok febrúar 2009. Flestar uppsagnirnar koma þó til framkvæmda fyrirárslok 2008.

 

Í hverjum mánuði það sem af er ári hafa borist allt að fjórar tilkynningar um hópuppsagnir,engin í mars en mest 4 í maí og september. Fjöldi þeirra sem sagt erupp er hins vegar mjög mismunandi, í flestum tilvikum eru fyrirtæki aðsegja upp fáum tugum starfsmanna en í einstaka tilvikum hafa uppsagnireinstakra fyrirtækja verið nálægt 100 eða jafnvel nokkur hundruð.

 

Sveiflurnar eru því miklar milli mánaða en á heildina litið fjölgarþeim sem sagt er upp með hópuppsögnum eftir því sem líður á árið.Flestum starfmönnum var sagt upp í ágúst, en einnig var fjöldieinstaklinga mikill í maí og júní.

 

Nú síðustu mánuði hefur mest verið um hópuppsagnir í byggingariðnaðiog er yfir 40% uppsagna á árinu 2008 í byggingariðnaði. Um 20% er íflugrekstri, milli 15 og 20% í ýmis konar þjónustustarfsemi, svipaðhlutfall í verslunarstarfsemi og 6% í sjávarútvegi.

 

Nálægt 60% uppsagnanna ná til fólks sem búsett er áhöfuðborgarsvæðinu, tæp 20% á Suðurnesjum og rúm 20% annars staðar álandinu.

 

Heimild: mbl.is (http://mbl.is/mm/frettir/innlent/2008/10/02/taeplega_1_500_sagt_upp_i_hopuppsognum_i_ar/)

ÞG Verktakar segja upp 31 starfsmanni

01. okt 2008

ÞG Verktakar ehf. segist neyðast vegna verkefnastöðu og erfiðra rekstrarskilyrða, að grípa til hópuppsagna. Um mánaðamótin  tóku þannig gildi uppsagnir 31 starfsmanns.

 

Í fréttatilkynningu frá fyrirtækinu segir:

„Líkt og flestum má vera kunnugt eru rekstrarskilyrði fyrirtækja á Íslandi afar erfið um þessar mundir og á það ekki síst við um fyrirtæki sem starfa í byggingariðnaði. Lækkun á gengi krónu, gríðarhár fjármagnskostnaður og lausafjárþurrð og hækkandi heimsmarkaðsverð á aðföngum eru meðal þess sem bæði verktakafyrirtæki þurfa að glíma við sem og væntanlegir verkkaupar.  Þetta hefur m.a. leitt til þess að hætt hefur verið við fjölmörg útboðsverk og öðrum verið slegið á frest sem helst í hendur við gríðarlegan samdrátt á fasteignamarkaði.“ 

„Forsvarsmenn fyrirtækisins harma mjög [uppsagnirnar] sem reynt var með öllum mögulegum aðgerðum að forðast og hafa m.a. farið þess á leit við Vinnumálastofnun, höfuðborgarsvæðinu, að aðstoða og veita starfsmönnum upplýsingar um atvinnuleysisbótarétt, möguleg laus störf osfrv.“

Samkvæmt upplýsingum á vef ÞG Verks voru starfsmenn fyrirtækisins um 130. Það sé meðal stærstu verktakafyrirtækja á Íslandi.

 

Heimild: mbl.is (http://mbl.is/mm/frettir/innlent/2008/10/01/thg_verktakar_segja_upp_31_starfsmanni/)

Eykt segir upp 15 manns

01. okt 2008

Byggingafyrirtækið Eykt sagði upp 15 manns nú um mánaðamótin, að sögn Páls Daníels Sigurðssonar, sviðsstjóra framkvæmdasviðs. Um er að ræða verkamenn og trésmiði. Flestir eru erlendir. Segir Páll að uppsagnirnar séu aðhaldsaðgerðir vegna verkefnasamdráttar.

 

Heimild: mbl.is (http://mbl.is/mm/frettir/innlent/2008/10/01/eykt_segir_upp_15_manns/)

Atvinnuleysi mun aukast hratt á næstu mánuðum

27. sept 2008

Allt bendir til þess að atvinnuleysi muni aukast hratt á næstu mánuðum. Þrjú fyrirtæki tilkynntu um fjöldauppsagnir í gær

Icelandic Ground Service á Keflavíkurflugvelli ætlar að segja upp 20 starfsmönnum um næstu mánaðamót. Fram kom í fréttum stöðvar tvö í gær að ástæða uppsagnarinnar sé verkefnaskortur. Þá tilkynnti Vodafone ennfremur um uppsagnir tuttugu starfsmanna í gær og ÞG verktakar ætla að segja upp tugum manna um næstu mánaðamót.

Hátt í þúsund manns hafa misst vinnuna í hópuuppsögnum í sumar og vel á annað þúsund manns í byggingariðnaði hafa misst vinnuna á árinu. Vænta má að þessar uppsagnir fari að gæta í atvinnuleysistölum um næstu mánaðamót.

Þó atvinnuleysi hafi aðeins aukist lítillega á undanförnum mánuðum bendir allt til þess að ástandi eigi eftir versna á næstunni. Atvinnuleysi var 1,2 prósent í síðasta mánuði sem jafngildir því að tvö þúsund og eitt hundrað manns hafi að meðaltali verið á atvinnuleysisskrá í mánuðinum.

Vinnumálastofnun spáir því að atvinnuleysi verði 1,2 til 1,5 prósent í september.

Alþýðusamband Íslands gerir ráð fyrir því að atvinnuleysi muni aukast hratt í vetur og þá spáir greiningardeild Landsbankans því að atvinnuleysi nái hámarki í ársbyrjun 2011 og verði þá 4 prósent.

 

Heimildir: visir.is (http://visir.is/article/20080927/FRETTIR01/253816687/-1)

Telja eðlilegt að útlendingar séu með lakari laun

22. sept 2008

Ríflega þriðjungur svarenda á aldrinum 18 til 35 ára í könnun sem Félagsvísindastofnun vann fyrir ASÍ telur eðlilegt að Íslendingar njóti betri kjara á vinnumarkaði en fólk af erlendum uppruna. Þessi niðurstaða stingur í stúf við önnur svör sem leiddu m.a. í ljós að langflestir töldu að ASÍ ætti að leggja áherslu á launa-, jafnréttis- og mannréttindamál í starfi sínu.

 

„Þetta er verulegt áhyggjuefni,“ segir Halldór Grönvold, aðstoðarframkvæmdastjóri ASÍ, um afstöðu fjölda svarenda til launakjara erlendra starfsmanna. „Það skiptir mjög miklu máli að missa ekki dampinn í umræðunni um „Einn rétt og ekkert svindl“ sem var yfirskrift hennar á sínum tíma. Þessi viðhorf gefa fullt tilefni til að velta því fyrir sér hvað þetta unga fólk er að hugsa.“

 

Nánar í Morgunblaðinu. Smelltu hér til að gerast áskrifandi.

Heimild: mbl.is (http://mbl.is/mm/frettir/innlent/2008/09/22/telja_edlilegt_ad_utlendingar_seu_med_lakari_laun/)